Fövqəladə Hallar Nazirliyinin “112” qaynar xəttinə Xaçmaz rayonunun Cığatay kəndində fərdi yaşayış evlərinin su basması barədə məlumat daxil olub, nəticədə insanlar çıxılmaz vəziyyətdə qalıb.
Məlumata əsasən, dərhal əraziyə FHN-in Mülki Müdafiə qoşunları və Şimal Regional Mərkəzinin müvafiq xilasetmə qüvvələri cəlb olunub.
“Əraziyə operativ şəkildə xilasetmə qüvvələri göndərilib.”
Görülən tədbirlər nəticəsində yardıma ehtiyacı olan vətəndaşlar təxliyə edilib və digər zəruri təhlükəsizlik tədbirləri həyata keçirilib.
“Ümumilikdə 22 nəfər təhlükəsiz əraziyə çıxarılıb.”
Təxliyə olunanlar arasında 5 azyaşlı və 1 əlilliyi olan şəxs də var.
Hadisə ilə bağlı zəruri tədbirlər davam etdirilir.
