"Nəticəyə görə özümlə qürur duyuram”.
Den.az xəbər verir ki, bu sözləri “Paris-2024” Yay Paralimpiya Oyunlarında qızıl medal qazanan Azərbaycan parataekvondoçusu İmaməddin Xəlilov deyib.
K44 kateqoriyası üzrə 70 kiloqram çəki dərəcəsində çıxış edən idmançı fəxri kürsünün ən yüksək pilləsində yer aldığı üçün sevincli olduğunu bildirib: “Azərbaycanın Paralimpiya çempionu olan ilk parataekvondoçusu adına yiyələndim. Parisə dünya reytinqinin lideri kimi gəlmişdim. Demək olar ki, son yarışlarımın hamısını qalib kimi başa vurmuşdum. Son dünya və ikiqat Avropa çempionu idim. Nəhayət, Paralimpiya çempionluğu da qismət oldu”.
O, ən ağır döyüşünü yarımfinalda özbəkistanlı idmançıya qarşı keçirdiyini vurğulayıb: “Sonuncu dəfə onu dünya çempionatının finalında məğlub etmişdim. Burada yenidən qələbə qazanmağı bacardım. Finalda qardaş Türkiyə idmançısı ilə qarşılaşdım. Qardaşlıq qalib gəldi”.
İ.Xəlilov dəstəyə görə Azərbaycan xalqına təşəkkür edib: “Döyüşlər arası fasilədə yazılan şərhləri oxuyurdum. Bu şərhlər mənə motivasiya verirdi, sizin inamınızı hiss edirdim. Bu yolda mənə əməyi keçən Gənclər və İdman Nazirliyinə, Azərbaycan Taekvondo Federasiyasına, Milli Paralimpiya Komitəsinə və klubum “Neftçi” İK-ya minnətdaram. Ən böyük təşəkkür cənab Prezidentimiz İlham Əliyevə və Birinci vitse-prezidentimiz Mehriban Əliyevaya düşür. İdmanımıza göstərdiyiniz qayğı nəticəsində Parisdə himnimizi səsləndirib bayrağımızı dalğalandırdıq".
Qeyd edək ki, Azərbaycan sentyabrın 8-dək davam edəcək yarışda 7 növ üzrə 18 idmançı ilə təmsil olunur. Milli komandanın heyətində daha əvvəl digər parataekvondoçu Sabir Zeynalov (58 kiloqram) bürünc medal qazanıb.
"Nəticəyə görə özümlə qürur duyuram”
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
