“Qarşıdakı günlərdə düyü qiymətlərində artımı hiss edəcəyik. Düyü ixracının 40 faizinə sahib Hindistanda hasilatın azalması Azərbaycan bazarına da təsir edəcək”.
Bu fikirləri Den.az-a açıqlamasında iqtisadçı Xalid Kərimli deyib.
Ekspert bildirdi ki, yolda olan mallar, yeni sifariş,müqavilə qiymətləri, anbar, mağaza qalıqları yeniləndikcə, bahalaşmış məhsullar ölkəmizə gəldikcə biz mağazalarda da düyü qiymətlərinin artdığını müşahidə edəcəyik:
“2023-cü ilin oktyabr ayında dünyada düyü qiymətləri indeksi sentyabr ayı ilə müqayisədə iki faiz aşağı oldu. Hindistanda düyü qiymətlərinin daxili bazarda bahalaşması, hökümətin seçki qabağı öz bazarını qorumaq üçün dünyaya düyü idxalını aşağı salması qiymətlərə, bazarlara təsir etdi. Daha bir səbəb isə Hindistanda bu il baş verən anomal hava şəraiti idi”.
2022-2023-cü il mövsümündə Hindistan dünya bazarına 21,5 milyon ton həcmində düyü ixrac etdiyini vurğulayan Xalid Kərimlibildirdi ki, dünyanın 140 ölkəsinə reallaşdırılan bu ixracdan 10 milyard dollara yaxın gəlir əldə olunub:
“Ötən ilin sentyabrında Hindistan hökuməti qeyri-basmati düyüsünün ixracına 20 faiz əlavə rüsüm tətbiq etmişdi. Məqsəd ixracın azalmasına, ölkədə qiymətlərin sürətli artımının qarşısının alınmasına nail olmaq idi. Cari ilin aprel-iyun ayında Hindistandan təmizlənmiş düyü ixracı ötən ilin eyni dövrü ilə müqayisədə 35 faiz çox olub. Əlavə rüsumun tətbiqi nəticəsində dünyada düyü qiymətlərində iyun-sentyabr aylarında qiymətlərin bahalaşdı. Bir müddət öncə də Hindistan hökuməti düyünün təmizlənmiş sortlarının ixracına qadağa qoymuşdu”.
Xatırladaq ki, Azərbaycana yanvar-sentyabr aylarında 41 milyon 71,16 min dollar dəyərində 45 min 645,57 ton düyü idxal edilib.
Dövlət Statistika Komitəsinin məlumatına görə, 2023-cü ilin yanvar-oktyabr aylarında istehlak qiymətləri indeksi 2022-ci ilin yanvar-oktyabr aylarına nisbətən 110,2 faiz, o cümlədən ərzaq məhsulları, içkilər və tütün məmulatları üzrə 111,4 faiz, qeyri-ərzaq məhsulları üzrə 109,5 faiz, əhaliyə göstərilmiş ödənişli xidmətlər üzrə 109,1 faiz təşkil edib.
Bahalaşan məhsullar sırasında düyü də var.
Əhalinin NƏZƏRİNƏ: Bu məhsul bahalaşacaq
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
