Xaçmazın Nabran kəndində baş verən davada güllə yarası alan və bıcaqlananlar var.
"Den.az" ın Şimal bürosunun məlumatına görə, rayonun Şimali kənd sakini 1978-ci il təvəllüdlü Rüstəmov Ramik Ramiz oğlu Nabran kəndi ərazisində Zalov Cami Nizam oğlu ilə qarşılıqlı mübahisə zamanı çoxsaylı bıçaq xəsarəti və ayağ nahiyyəsindən silah yarası alıb.
Hadisənin digər iştirakçısı olan və onları ayırmağa çalışan rayonun Yalama kənd sakini 1978-ci il təvəllüdlü Şıxmətov Şöhrət Gülmət oğlu isə qol nahiyəsindən bıçaq xəsarətləri alıb.
Yaralılar təcilli tibbi yardım briqadasının köməkliyi ilə Xaçmaz Rayon Mərkəzi Xəstəxanasına çatdırılıblar.
Hadisəni törətməkdə şübhəli bilinən C.Zalovun saxlanılması istiqamətində hüquq-mühafizə orqanları tərəfindən zəruri tədbirlər həyata keçirilir.
Hadisənin baş vermə səbəbi məlum deyil.
Faktla bağlı araşdırma aparılır.
NÜŞABƏ BAXŞIYEVA
