Dünyada iki kilometrlik ən hündür göydələn TİKİLƏCƏK

Səudiyyə Ərəbistanı ən hündür memarlıq layihələrindən birini - hündürlüyü iki kilometrə çatacaq göydələn tikməyi planlaşdırır. 

Den.az xarici KİV-ə istinadən xəbər verir ki, tikinti layihəsini artıq Dövlət İnvestisiya Fondu dəstəkləyib.

Binanın tikiləcəyi dəqiq yeri hələ məlum deyil. Daha bir neçə məsələ də həll edilməli olacaq: belə hündürlüklərdə külək yükləri çox güclü olacaq və torpaq strukturun ağırlığını daşıya bilməz. Mütəxəssislər digər məsələlərlə yanaşı, memarlıq obyektinin dəyərinin səma qədər yüksək olacağını və təxminən beş milyard dollar təşkil edəcəyini bildirirlər.

Uğurla tamamlanarsa, göydələn bu gün dünyanın ən hündür binası olan Bürc Xəlifəni də üstələyəcək.