Kalori defisiti çəkinin nəzarətdə saxlanılmasının ən effektiv yolu hesab olunur. Bu barədə RT-yə açıqlamasında həkim-qastroenteroloq, dietoloq və klinik nutrisoloq Olqa Yermoshina bildirib. O, eyni zamanda qeyd edib ki, bu üsul bütün insanlar üçün uyğun deyil.
“ Az ye, çox hərəkət et — əsas qaydadır, amma burada incə məqamlar var. Məsələn, hipotiroidizm kimi bəzi xəstəliklər zamanı maddələr mübadiləsi yavaşlayır”, — deyə Yermoshina vurğulayıb.
Mütəxəssis əlavə edib ki, xəstəliklərin olub-olmamasından asılı olmayaraq, sağlam qidalanma vərdişlərini yetkin yaşda da formalaşdırmaq vacibdir. Onun sözlərinə görə, istənilən pəhriz müvəqqəti strategiyadır, çəkinin effektiv şəkildə azalması və qorunması isə yalnız həyat tərzinin dəyişdirilməsi ilə mümkündür.
