Bu gün Azərbaycan teatr və kino sənətinin görkəmli nümayəndəsi, Xalq artisti Hacı İsmayılovun doğum günüdür. Onun 82 yaşı tamam olur.
Hacı İsmayılov uzun illər ərzində səhnə və ekranlarda yaratdığı yaddaqalan obrazlar, dərin psixoloji oyun tərzi və peşəkarlığı ilə tamaşaçıların rəğbətini qazanıb. O, teatr səhnəsində klassik və müasir rolları uğurla canlandırmaqla yanaşı, kino və televiziya layihələrində də Azərbaycan aktyor məktəbinin ənənələrini layiqincə təmsil edib.
Sənətkarın yaradıcılığı səmimilik, həyatiliyi və milli ruhu ilə seçilir. Onun ifasında obrazlar təkcə səhnə qəhrəmanları deyil, həm də tamaşaçı üçün tanış insan taleləri kimi yadda qalır.
Bu əlamətdar gündə DenMedia.az olaraq Xalq artisti Hacı İsmayılovu təbrik edir, ona can sağlığı, uzun ömür və yeni yaradıcılıq uğurları arzulayırıq.
