Şekspirin Londondakı sirli evi - nəhayət tapıldımı?

King's College London tədqiqatçıları William Shakespeare-in 1613-cü ildə Londonda aldığı yeganə evin dəqiq yerini müəyyənləşdiriblər.

Bu barədə universitetin mətbuat xidməti məlumat yayıb. Kəşf 1668-ci ilə aid Blackfriars rayonunun planının və The National Archives arxivində saxlanılan, dramaturqun nəvəsinin 1665-ci ildə evi satması ilə bağlı iki hüquqi sənədin tapılması sayəsində mümkün olub.

Sənədləri aşkar edən professor Lucy Munro bildirib ki, bu tapıntı “Şekspirin həyat mozaikasına daha bir neçə parça əlavə edir” və ilk dəfə onun Londondakı yaşayış yerini dəqiq müəyyən etməyə imkan yaradır. Onun sözlərinə görə, plan London arxivində işləyərkən təsadüfən aşkarlanıb.

Yeni məlumatlara əsasən, ev keçmiş orta əsr monastırının yenidən qurulması nəticəsində formalaşmış iri L formalı bina olub və kompleksə darvaza tikilisi də daxil imiş. Həmin ərazidə yerləşən Blackfriars Theatre teatrının şəriklərindən biri də William Shakespeare olub.

Tarixçilər uzun müddətdir dramaturqun şərik olduğu teatrın yaxınlığında daşınmaz əmlak aldığını bilsələr də, dəqiq ünvan indiyədək məlum deyildi. XIX əsrə aid binadakı xatirə lövhəsində yalnız onun “bu əraziyə yaxın yerdə” yaşadığı qeyd olunurdu.

Lucy Munronun sözlərinə görə, evin yerləşməsi və ölçüləri William Shakespeare-in 1613-cü ildən sonra Londona nadir hallarda gəldiyi barədə yayılmış fikirləri şübhə altına alır. Teatra təxminən beş dəqiqəlik məsafə dramaturqun son pyeslərini — o cümlədən “VIII Henri” və “İki zadəgan qohum” əsərlərini John Fletcher ilə birlikdə məhz burada yazmış ola biləcəyini göstərir.

Ev 1665-ci ilə qədər Şekspir ailəsinin mülkiyyətində qalıb və həmin il onun nəvəsi Elizabeth Hall Nash Barnard tərəfindən satılıb. Artıq bir il sonra bina Great Fire of London zamanı məhv edilib ki, bu da onun fiziki izlərinin günümüzə çatmamasını izah edir.

DenMedia.az