Lənkəranda 16 yaşlı qızın hamilə qalması və oğlan uşağı dünyaya gətirməsindən sonra açılmış cinayət işi üzrə məhkəmə prosesi keçirilib.
Den.az “Qafqazinfo.az”a istinadən xəbər verir ki , Cinayət Məcəlləsinin 152.1-ci (16 yaşına çatmayan şəxslə cinsi əlqədə olma) maddəsi ilə açılmış iş üzrə Lənkəran şəhər sakini, 1965-ci il təvəllüdlü Ruslan Hüseynov (ad və soyad şərtidir) təqsirləndirilib.
Aparılan ibtidai istintaq zamanı uşaq dünyaya gətirmiş yetkinlik yaşına çatmayan Fəridə İmanova (ad və soyad şərtidir) qonşuluqda yaşayan Ruslanın ona daim şirnikləndirici sözlər dediyini bildirib. Həmin şəxsin avtomobili ilə Lənkəranda dənizkənarı əraziyə getdiklərini və orada intim münasibətdə olduqlarını deyən qız övladının atasının həmin şəxs olduğunu bildirib.
Evli olan Ruslan Hüseynov isə ifadəsində qonşuluqda yaşayan yeniyetmə qızla seksual xarakterli hərəkətlərə yol verdiyini etiraf etsə də, onunla heç vaxt cinsi əlaqədə olmadığını iddia edib.
Bundan sonra uşaq və Ruslan Hüseynovla bağlı genetik ekspertiza təyin edilib. Ekspertizanın nəticəsinə əsasən, uşağın bioloji atasının 59 yaşlı Ruslan olması dəqiqləşib.
Lənkəran Şəhər Məhkəməsində keçirilən prosesdə Ruslan Hüseynov artıq doğulan uşağa rəsmi atalıq verdiyini bildirib və onun bütün xərclərini öz üzərinə götürdüyünü vurğulayıb.
Zərərçəkmiş tərəf də Ruslanın həbs edilməsini istəmədiyini, onun uşağa atalıq etdiyini və törədilmiş cinayətə görə həmin şəxsi bağışladıqlarını bildiriblər.
Məhkəmənin 4 mart 2024-cü il tarixli hökmü ilə Ruslan Hüseynova 1 il 6 ay azadlıqdan məhrumetmə cəzası verilib. Lakin cəza sınaq müddəti təyin edilməklə şərti hesab edilib.
Lənkəranda 16 yaşlı qızın 59 yaşlı kişidən uşağı OLDU
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
