"Skuter kimi nəqliyyat vasitələri hərəkətin digər iştirakçıları hesab olunurlar, onların məsuliyyəti İnzibati Xətalar Məcəlləsinin 338-ci maddəsində nəzərdə tutulan hallarla müəyyən olunur. Bu maddəyə görə, 20 manatdan 100 manata qədər cərimə nəzərdə tutulub".
Bu sözləri Den.az-a açıqlamasında son illərdə Bakı yollarında çoxalan skuter kimi yeni nəqliyyat vasitələrindən danışan Bakı Şəhər Dövlət Yol Polisi İdarəsi baş inspektoru, polis mayoru Araz Əsgərli deyib.
Onun sözlərinə görə, skuter kimi yeni nəqliyyat vasitələri ilə bağlı yeni qanunvericilikdə daha dəqiq, konkret formada istinadlar olacaq:
"Skuter də nəqliyyat vasitəsidir, yol hərəkəti haqqında qanunvericilikdə birbaşa olaraq adı çəkilməsə də, qanunların tətbiqi baxımından onların hüquq və vəzifələrini velosipedçilərin, moped idarə edənlərin səlahiyyətlərinə, hüquq və vəzifələrinə bərabər hesab etmək olar.
Ümumi istifadədə olan yollarda piyadadan sürücülərə qədər hər kəsin bərabər hüquqları var. Skuter istifadə edənlər bu nəqliyyat vasitəsinin mobil imkanlarından sui-istifadə etməməlidir. Avtomobil yolunda ziqzaqvari hərəkət etmək, piyada səkilərində insanların üzərinə hərəkət etmək olmaz. Skuter sürən şəxslər də təhlükəsizlik üçün baş geyimindən, yəni dəbilqədən istifadə etməlidir".
Skuter sürücülərini bu qədər cərimə gözləyir - RƏSMİ
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
