“Azərbaycan ərazisində müvəqqəti yerləşdirilmiş Rusiya sülhməramlı kontingentinin çıxarılması prosesi yaxın vaxtlarda yekunlaşacaq”.
“Den.az”-ın məlumatına görə, bunu Müdafiə Nazirliyinin mətbuat xidmətinin rəisi polkovnik Anar Eyvazov deyib.
“2020-ci il sentyabrın 27-də Ermənistan silahlı qüvvələrinin növbəti təxribatına qarşı olaraq başladılan əks-həmlə əməliyyatı ilə davam etdirilən Vətən müharibəsi Ali Baş Komandanın rəhbərliyi 44 gün müddətində başa çatdı. Müharibəsdən sonra Azərbaycan, Rusiya və Ermənistan dövlət başçılarının imzaladığı üçtərəfli bəyanatın müvafiq bəndinə əsasən Azərbaycan Respublikası ərazisində müvəqqəti olaraq Rusiya sülhməramlı kontingenti yerləşdirilmişdi. 2023-cü ilin sentyabr ayında Azərbaycan silahlı qüvvələrinin həyata keçirdiyi uğurlu antiterror tədbirlərindən sonra Qarabağda Ermənistan silahlı qüvvələrinin qalıqları, o cümlədən qeyri-qanuni silahlı birləşmələr ərazini tam tərk etdi. Bundan sonra Rusiya sülhməramlılarının kontingentin fəaliyyətinin bir hissəsini başa çatdırılmış hesab etmək olardı”, - nazirlik rəsmisi qeyd edib.
A. Eyvazov bildirib ki, Azərbaycan və Rusiya prezidentləri arasında Rusiya sülhməramlılarının ölkəmizin ərazisini tərk etməsinə dair əldə olunmuş razılığa əsasən, Rusiya sülhməramlılarının ölkədən vaxtından əvvəl çıxarılmasına qərar verilib: “Bu qərardan sonra Azərbaycan Müdafiə Nazirliyi tərəfindən zəruri olan texniki və zəruri dəstək göstərilib. Hazırda bu proses davam etdirilir. Bugünkü tədbirdə Azərbaycan və Rusiya tərəfindən yüksək rütbəli zabitlər iştirak edir. Sülhməramlıların ərazini tərk etməsi prosesi hazırda da davam etdirilir və yaxın vaxtlarda yekunlaşacaq”.
“Sülhməramlıların çıxarılması prosesi yaxın vaxtlarda yekunlaşacaq”
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
