"I cəhd üçün magistraturaya qəbula bir həftə qalmış minaya düşdüm və imtahanda iştirak edə bilmədim".
Den.az Azedu.az-a istinadən bildirir ki, bu sözləri fevralın 4-də Tərtər rayonu Qızıloba kəndi ərazisində heyvanları örüş sahəsindən gətirərkən minaya düşən və sol ayağı topuqdan amputasiya olunan Həsənəli Əlizadə deyib.
Belə ki, o, 2022-ci ildə Bakı Dövlət Universitetini fərqlənmə diplomu ilə bitirib və I cəhd magistraturaya qəbul imtahanına bir həftə qalmış, minaya düşüb.
- Həsənəli, 5 ay əvvəl səninlə əlaqə saxlayanda gələcək hədəflərin barədə tamam ümidsiz danışırdın. Necə oldu ki, ikinci cəhdə hazırlaşmaq qərarı verdin?
- Mən, I cəhd üçün magistraturaya qəbula bir həftə qalmış minaya düşdüm və imtahanda iştirak edə bilmədim. Ağrılarım çox olduğundan çox az, cəmi 1 aydan qısa müddətdə II cəhdə hazırlaşdım. Bazam olduğu üçün çətin olsa da, bunu bacardım və Xəzər Universitetinin mühasibat uçotu və audit ixtisasına qəbul olundum.
- O vaxt dövlət qulluğuna da hazırlaşdığını bildirirdin. İndi yenidən cəhd edəcəksən?
- Əlbəttə. Həyat davam edir. BB4 sertifikatım var, amma, inşallah, avqustun 11-də BA növü üzrə yenidən imtahana daxil olacağam. Hazırda bunun üçün çalışıram.
- Əminəm ki, həmin imtahandan da uğur qazanacaqsan. Hazırlaşmağında, oxumağında ən böyük dəstəkçin kim oldu? Necə qərara gəldin ki, artıq başlamağın vaxtıdır?
- Ən böyük dəstəyi ailəmdən, yaxınlarımdan, eləcə də sevgilimdən gördüm.
- Cavablar elan olunanda özünü necə hiss edirdin?
- Şükür edirəm ki, təhsil sahəsində uğurlarım çox olub, amma o hadisədən sonra bu sevinci yaşamağım ayrı bir hiss idi. O an bir qədər kövrəldim.
- Gələcək hədəflərin sırasında nə var?
- Hədəflər gəldiyin vəziyyətə və zamana görə dəyişir. Hazırda gələcək üçün ilk hədəfim avqust imtahanında BA1 sertifikatını alıb, Mərkəzi İcra Hakimiyyəti Orqanlarının (MİHO) hansısa birinin aparatında işləməkdir.
- Çox gözəl. Həsənəli, sol ayağın topuqdan amputasiya olunmuşdu. Hazırda yerimək üçün hansısa vasitədən istifadə edirsən?
- Protez taxıram, ancaq yüksək texnologiyalı olmadığı üçün ağrı verir, əziyyət çəkirəm. Buna görə əsadan da istifadə edirəm.
Qoyun otararkən minaya düşmüşdü, magistr oldu - FOTO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
