Ləğv edilmiş Milli Təhlükəsizlik Nazirliyinin (MTN) Transmilli Mütəşəkkil Cinayətkarlığa Qarşı Mübarizə Baş İdarəsinin sabiq rəis müavini, polkovnik Fizuli Əliyev müsadirə olunan bahalı avtomobillərinin qaytarılmasını istəyir.
Den.az-ın Qaynarinfo-ya istinadən məlumatına görə, Əliyev Fizuli Zülfüqar oğlu nümayənddəsi vasitəsi ilə Azərbaycan Respublikası Baş Prokurorluğu da cəlb olunmaqla, cavabdehlər - Maliyyə Nazirliyinin Bakı şəhəri üzrə Baş Maliyyə İdarəsi və müaviq qurumlarla bağlı iddia ərizəsi ilə məhkəməyə müraciət edərək, "Lexus GX 460” markalı 10-AZ-603 dövlət qeydiyyat nişanlı və "Toyota Camry” markalı 90-AA-576 dövlət qeydiyyat nişanlı avtomobillərin üzərindən həbsin götürülməsini istəyib. MTN polkovniki hər iki avtomobilin dövlət nəfinə əvəzsiz müsadirə olunması barədə Bakı Hərbi Məhkəməsinin icra sənədinin icra edilməməsinin tələb edib.
Füzuli Əliyev iddiasını onunla əsaslandırıb ki, sözügedən avtomobillər "ŞAH” MMC-nin adına sənədləşdirilib. Hımin maşınlar MMC-də 2006-cı ildən uğurlu kommersiya fəaliyyəti nəticəsində əldə olunan gəlirlər hesabına alınıb.
Dövlət nümayəndəsi isə onun iddiasını rədd edib. Bildirilib ki, MMC 2006-2007-ci illərdə onun tərəfindən təsis edilməsinə baxmayaraq, həmin şirkətin fəaliyyəti olmayıb. MMC-nin fəaliyyəti olmadığı üçün hər hansı ofisi və işçiləri də olmayıb. "Toyota Camry” markalı avtomobil onun təərəfindən 2013-cü ildə, "Lexus GX 460” isə 2014-cü ildə əldə edilib. Dövlət avtomobillər üçün verilən qeydiyyat nişanını almaq üçün həmin maşınları MMC-nin adına sənədləşdirilib.
Məhkəmə iddiaçının əmlakın həbsdən azad edilməsi tələbinə dair iddiasını təmin etməyib.
Qeyd edək ki, ləğv olunmuş Milli Təhlükəsizlik Nazirliyinin ayrı-ayrı vəzifəli şəxsləri tərəfindən vəzifə səlahiyyətlərindən sui-istifadə etmə, vəzifə səlahiyyətlərini aşma və sair faktlarla bağlı Baş Prokurorluğun Ağır Cinayətlərə Dair İşlər üzrə İstintaq İdarəsində istintaqı tamamlanmış cinayət işi üzrə Bakı Hərbi Məhkəməsinin hökmü ilə Füzulu Əliyev 14 il azadlıqdan məhrum edilib.
Sabiq MTN-çi dövlətdən nə istəyir? - “Toyota Carmy”, “Lexus GX 460”...
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
