Professorsayağı şərləmə - Cümşüd Nuriyev "Söyüdlü" hadisələrindən yazdı

Cari ilin iyul ayının 27-də üzdəniraq Milli Şuranın sədri, professor C.Həsənli “Azadlıq” radiosuna intervyu vermiş və heç bir əsası olmayan müdəalar irəli sürmüşdür. O, bildirmişdir ki, Azərbaycan höküməti Gədəbəy rayonunun Söyüdlü kəndində yaşayanların heç bir problemi ilə maraqlanmamışdır. Daha sonra böhtana keçmiş və bildurmişdir ki, Prezident İlham Əliyev bu məsələlərə ona görə gec reaksiya vermişdir ki, guya hansısa media orqanı Söyüdlü yatağının Birinci Vitse prezident Mehriban xanım Əliyevaya məxsus olduğunu bildirmişdir.

Birincisi, Cəmil müəllim sabiq bir deputat kimi bilməlidir ki. əgər hansısa bir xarici şirkət qoyduğu sərmayə haqqında Milli Məclis qanun qəbul edirsə, orada yerli təsisçilərin olması mümkünsüzdür. Söyüdlüdə işləyən AİMC Ulu Öndər Heydər Əliyevinin dəvəti və zəmanəti ilə Azərbaycana sərmayə qoyan bir Cənublu soydaşımızın rəhbərlik etdiyi şirkətdir. Sən eyni zamanda, həm Ulu Öndərə, həm Müzəffər Prezidentə və həm də Birinci vitse prezidentə şər atırsan. 

Ikincisi, Azərbaycan Beynəlxalq Mədən Şirkətinin (AMİC-in)  saytında göstərilib ki, bu Şirkət ancaq Gədəbəyin Söyüdlü kəndinə və onun əhalisinə aşağıdakı miqdarda vəsait xərcləmiş və daimi iş yerləri açmışdır:
- Söyüdlü körpüsünü təmiri üçün 44 620 ABŞ dolları, söyüdlü kəndinin əhalisinə torpaq kompensasiyayası üçün 62 300 ABŞ dolları, məktəb və uşaq bağçasının tikintisi, su xətlərinin və bulaqların çəkilməsi və təmiri üçün 103 885 ABŞ dolları, habelə sosial yardıma ehtiyacı olan ailələrin evlərinin tikintisi və təmiri üçün  edilən 105 093 ABŞ dolları- ümumilikdə isə 315 898 ABŞ dolları və ya 537 026 manat vəsait xərcləmişdir. Buraya arıçılıq layihəsinin dəstəklənməsi üçün xərclənən 33 200 ABŞ dol. və xalça toxuculuğunu öyrətmək  layihəsi üçün xərclənmiş 52 212 ABŞ dollarını da əlavə etsək onda  401 310 ABŞ dolları və ya 682 227 manat vəsait edər;


- Şirkətin ümumu işçilərinin sayı 1639 nəfərdir, ondan 93.1 faizi Gədəbəydə çalışır. Təkcə Söyüdlüdə 856 nəfər daimi və 670 nəfər fəsli çalışır. Daimi çalışanların 118 nəfəri bu kənddəndir. Ümumilikdə şirkət işçilərinin 97.6 faizi yerlilərdir. 

Adətən bazar iqtisadiyyatı şəraitində dövlət başçıları xarici sərmayələrin cəlb edilməsində həm də ona görə maraqlıdır ki, sərmayə ilə bərabər ölkəyə yeni texnologiya və innovativ idarəetmə formaları gətirilir. Eyni zamanda, xaici inb\vestorlar yerli infrastrukturu formalaşdırmaqla bərabər daimi iş yerləri açılır və insanların sosial problemləri həll olunur. Görünür əsası Ümummilli lider Heydər Əliyev tərəfindən qoyulan və müasir tələblər səviyyəsində həmin siyasəti həyata keçirən Müzəffər Ali Baş Komandan, Prezident İlham Əliyev Ermənistan və onu dəstəkləyən dövlətləri deyil, həm də onların “beşinci kolonunda“ yer alanları da çox narahat edir. Cəmil müəllim narahat olun. Heç zaman tarix olduğu kimi təkrarlanmır. 

Siyasi elmlər doktoru, professor Cümşüd Nuriyev