Fövqəladə Hallar Nazirliyinin “112” qaynar telefon xəttinə Şəmkir rayonunda yerləşən daş karxanasının ərazisində ekskavatorda yanğın baş verməsi barədə məlumat daxil olub.
“Den.az” xəbər verir ki, bu haqda FHN məlumat yayıb.
Bildirilib ki, məlumatla əlaqədar dərhal FHN Dövlət Yanğından Mühafizə Xidməti Şəmkir Rayon Yanğından Mühafizə Hissəsinin yanğınsöndürənləri hadisə yerinə cəlb olunub.
Yanğın nəticəsində ekskavatorun mühərrik hissəsi qismən yanıb, əsas hissəsi yanğından mühafizə olunub.