Paşinyan Ermənistanın himnini dəyişdirir: "Sonluğu xoşuma gəlmir"

Paşinyan Ermənistanın himninin dəyişdirilməsini təklif edib.

Den.az erməni mediasına istinadən xəbər verir ki, Baş nazir himnin sonluğu ilə razılaşmır.

Paşinyan parlamentdə çıxış edərək dövlət himninin sonluğunun dəyişdirilməsini təklif edib.

“Himnimizin rəsmi sözləri ölümlə bitir. İdeologiya düzdür, sözləri ilə bağlı problemim yoxdur, amma himnin sonluğu ölümlə bağlı sətirlərdən ibarətdir”.

Paşinyan estetik və poetik baxımdan bunun həyata keçirilməsinin asan olmayacağını etiraf edib.

Xatırladaq ki, Ermənistanın himni 1 iyul 1991-ci ildə Ermənistan Ali Sovetinin qərarı ilə təsdiq edilib.

Den.az