“Nəzəri cəhətdən Ermənistan Transxəzər Beynəlxalq Nəqliyyat Dəhlizinin iştirakçısına çevrilə bilər. Lakin bunun üçün iştirakçı ölkələrin siyasi iradəsi lazımdır”.
Den.az xəbər verir ki, bu barədə “Sputnik Armeniya”nın analitiki Laura Sarkisyan öz məqaləsində yazıb.
“ABŞ dövlət katibinin Avropa və Avrasiya məsələləri üzrə köməkçisi Ceyms Obrayen “Orta Dəhlizi” region üçün mühüm layihə adlandırıb və qeyd edib ki, Ermənistan və Türkiyə vasitəsilə beynəlxalq bazara çıxmaq üçün böyük imkan var. Lakin praktikada İrəvanın siyasi və coğrafi (infrastrukturun olmaması) nöqteyi-nəzərdən iştirakı mümkün deyil. Layihənin həyata keçirilməsi ilə bağlı yaxın vaxtlarda Türkiyədə planlaşdırılan növbəti danışıqların yalnız Tbilisi, Astana və Bakı nümayəndələrinin iştirakı ilə keçirilməsi də buna sübutdur. Logistik hesablamalara əsasən, Ermənistanın layihəyə qoşulması dəmir yolu ilə mümkündür. Nəzəri cəhətdən “Orta Dəhliz” Ermənistanın “Dünyanın kəsişməsi” təşəbbüsünün istiqamətlərindən biri ilə əlaqələndirilə bilər. Belə ki, Çindən gələn yüklər Xəzər dənizi vasitəsilə Azərbaycana, oradan qol xətti ilə Ermənistana, oradan isə Türkiyəyə çata bilər. Nəzəri cəhətdən Çindən, Fars körfəzi ölkələrindən, Hindistandan gələn mallar konteynerlərdə İranın Çabahar limanına, oradan İrandan Ermənistana, oradan isə Qara dəniz hövzəsi limanları vasitəsilə Avropaya daşına bilər. Belə olan halda Ermənistan təkcə bir neçə ölkə üçün deyil, həm də nəqliyyat dəhlizləri üçün birləşdirici halqaya çevrilir. Odur ki, Bakı razılıq versə, Ermənistan Bakı-Tbilisi-Qars (BTQ) dəmir yolundan istifadə edərək Gürcüstanla birlikdə dəhlizə qoşula bilər. Amma Hazırda BTQ Ermənistan üçün əlçatan deyil. Çünki öncə rəsmi Bakının erməni yüklərinin bu marşrutdan keçməsi üçün razılığı olmalıdır. Son hadisələr fonunda Ermənistan bir sıra nəqliyyat layihələrində tranzit qovşağına çevrilə bilər. Lakin bütün bunların reallığa çevrilməsi üçün ölkəmiz bir sıra logistika və infrastruktur problemlərini həll etməli, qarşıya qoyduğu məqsədləri reallaşdırmalıdır”, – deyə analitik vurğulayıb.
Günəş Fərəh
Den.az
Ermənistan Transxəzər Beynəlxalq Nəqliyyat Dəhlizinin iştirakçısına çevrilə bilər - Sarkisyan
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
