Bir müddət əvvəl Rusiya sərhədçilərinin Ermənistanın Azərbaycanla sərhəd kəndi olan və Kərki yaxınlığında yerləşdiyi bildirilən Paruyur Sevak kəndini tərk etdiklərinə dair məlumat yayıldı.
Den.az xəbər verir ki, kəndin adını daşıdığı Paruyur Sevak imzası ilə tanınan erməni şair Paruyur Rafeyeli Qazaryanın illər öncə Azərbaycan əleyhinə “elmi” məqalə yazdığı ortaya çıxıb.
Məlumata görə, SSRİ dövründə, təxminən 1960-cı illərdə erməni elm və mədəniyyət xadimlərinin Azərbaycan şəhərlərini, mədəni irsini erməniləşdirməsi prosesində P.Sevak da aktiv rol oynayıb. O, hətta 1967-ci ildə Azərbaycanı “saxtakarlıqda” ittiham edən, Qarabağ, Gəncə kimi ərazilərin ermənilərə məxsus olması kimi əsassız məqalələr yazıb.
Erməni şairin həmin dövrdə Azərbaycana qarşı proseslərdə kifayət qədər fəal iştirak etdiyi bildirilir.
O, həmçinin Sovet sisteminə qarşı dair tənqidi çıxışları ilə tanınıb. 1971-ci ildə İrəvana qayıdarkən avtomobil qəzası nəticəsində həyatını itirib. Lakin. P.Sevakın bu səbəblə KQB tərəfindən sui-qəsdlə aradan götürüldüyü iddia edilir.
Qeyd edək ki, 2020-ci ildə 44 günlük müharibədən sonra Azərbaycanla sərhəddə yerləşən Paruyur Sevak kəndinə Rusiya bazası yerləşdirilib. Lakin bir gün öncə təxminən 2-3 ay əvvəl rusların sözügedən kəndi səssiz şəkildə tərk etdiyi ortaya çıxıb. Paruyur Sevakın Kərki kəndinə gedən yolda yerləşdiyi bildirilir. Hətta rusların ərazini tək etməsi Ermənistan ictimaiyyətində Kərkinin Azərbaycana təhvili prosesinin başlaması kimi qiymətləndirilir.
Kəndin adını daşıdığı şəxsin fəaliyyəti Ermənistanda yenidən gündəmə gəlib.
Rus ordusunun çıxdığı kəndə adını verən erməni: 57 il öncə Azərbaycan əleyhinə nə yazıb?
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
