Ermənistanın ədliyyə naziri Srbui Qalyan deyib ki, yeni Konstitusiya üzərində iş gedir və proses 2026-cı il seçkilərinə qədər tamamlanmalıdır. Sənəd insan hüquqlarını, sosial-iqtisadi hüquqları, idarəçilik qaydalarını və dövlət orqanlarının rolunu tənzimləyəcək. Onun sözlərinə görə, Avropa İttifaqı (Aİ) ilə yaxınlaşma çərçivəsində artıq 30-dan çox qanun layihəsi uyğunlaşdırılıb və proses davam edəcək.
Politoloq Turan Rzayev "Den.az"a açıqlamasında bildirib ki, Srbui Qalyan açıqlamasında iki məqam diqqət çəkir:
1.Ermənistan Konstitusiyası üzərində iş gedir (yenilənir);
2.2026-cı ilə qədər tamamlanmalıdır.
Ermənistan konstitusiyası və müstəqillik bəyannaməsində Azərbaycan və ətraf ölkələrə ərazi iddiasını əks etdirən bəndlərin dəyişdirilməsi Bakının tələbləri arasındadır. Azərbaycan İrəvanın gələcəkdə sülhdən yayınmaq ya da işğal cəhdini daxili hüquqla leqallaşdırılmasının qarşısını almaq üçün bu tələbi irəli sürüb. Ermənistan tərəfi əvvəllər bundan yayınmaq istəsə də, görünür, Bakının tələbini yerinə yetirməli olduğunu başa düşüb.
Lakin S.Qalyanın dediyindən bu qənaətə gəlmək olur ki, guya İrəvan prosesi Bakının diktəsi ilə deyil, öz istəyi ilə həyata keçirir. Misal üçün yeni sənəddə insan hüquqlarını, sosial-iqtisadi hüquqları, idarəçilik qaydalarını və dövlət orqanlarının rolunun tənzimlənib Aİ ilə yaxınlaşma çərçivəsində 30-dan çox qanun layihəsinin uyğunlaşdırıldığı deyilir. Yəni bunu Ermənistan konstitusiyasını Aİ-yə inteqrasiya və daxili hüquqi boşluqların tənzimlənməsi kimi təqdim edir. Bakının tələblərindən isə söhbət getmir.
Aydın məsələdir ki, yeni konstitusiyada ətraf ölkələrə ərazi iddiasını ehtiva edən bəndlər də çıxarılacaq. Paşinyan və komandası bunu açıq şəkildə deyib, müxalifətin narazılığına tuş gəlmək istəmir. Buna görə də məsələni yuxarıdakı tərzdə kamuflyaj edir. Prinsipcə prosesin hansı adda aparılması Bakı üçün önəmli deyil. Bizim üçün vacib olan həqiqətən də tələblərin yerinə yetirilməsidir. İrəvan bunu edəcəksə bu, sülhün davamlılığı baxımından mühüm hadisə ola bilər.
Günəş Fərəh
Den.az
"İrəvan bunu etsə, sülhün davamlılığı baxımından mühüm hadisə olacaq" - YENİ MƏQAMLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
