Bu gün 42 yaşa qədəm qoyan Xalq artisti Röya Ayxan ötən axşam lüks villasında özünə dəbdəbəli doğum günü məclisi keçirib.
Den.az bizim.media-ya istinadən xəbər verir ki, "Barbi" konseptində hazırlanan ad günü şousu üçün sənətçi arxası uzun, öndən qısa gül printləri ilə bəzədilmiş "top" və ətək geyinib.
Estrada ulduzunun doğum günü məclisində Xalq artisti Zülfiyyə Xanbabayeva, müğənnilər Dilarə Kazımova, Mehin Hümbətova, Nəsimi Məmmədov, Hacı Nazim Məmmədov, aktyorlar Elşən Orucov, aparıcılar Nəsib Nur, Kəmalə Piriyeva və digər tanınmış simalar yer alıb.
Qonaqların qarşısına çıxan Röya məclisin hazırlanması üçün iki həftə vaxt sərf etdiyini bildirib:
"Buranı belə bəzəmək üçün bir həftə bir heyət, digər həftə başqa heyət çalışıb. Burada əyləşənlər hər axşam evimin qonağı olub. Özünüzü öz evinizdəki kimi hiss edin. Ad günümü restoranda etmək istəmədim.
Buranı isə prodüserim Kənan və onun heyəti bir gün ərzində belə gözəl şəkildə bəzəyib. Heç bilirsiniz, burada nə qədər şar olub? Onların hamısı bir gecə içində partlayıb. Biz də elə zənn etmişik ki, naqillər yanıb. Şarlar bir-bir partlayıb, evə tökülüblər. Düşünürəm ki, sizin üçün ən gözəlini etmişik. Əylənin, yeyin, için, canımsınız".
Gecə boyunca Röya qonaqlarla birgə mahnılar oxuyub, rəqs edib və əylənib. Məclisdən çəkilən rəngarəng görüntüləri isə Xalq artisti sosial şəbəkə hesabında izləyiciləri ilə bölüşüb. 
Röya lüks villasında özünə dəbdəbəli AD GÜNÜ keçirdi - VİDEO - FOTO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
