İdris Elba gənclər arasında cinayətkarlıqla mübarizə sahəsində apardığı ictimai fəaliyyətə görə cəngavərliyə layiq görülüb. Eyni zamanda, “Zalı: Qərbin Cadugərinin Nağılı” filmi ilə tanınan aktrisa Cynthia Erivo Britaniya İmperiyası Ordeninin kavaleri, yazıçı Richard Osman isə Britaniya İmperiyası Ordeninin zabiti adına layiq görülüb.
İdris Elba daha çox “28 həftə sonra”, “Rok-n-rollçu”, “Oğlanlar-basqınçılar”, “Prometey”, “Sakit okean cəbhəsi”, “Forsaj: Hobs və Şou” filmləri və “Tor” tetralogiyasındakı rolları ilə tanınır.
Aktyor bu ilin yanvarında etiraf etmişdi ki, Cənubi Afrika Respublikasının sabiq prezidenti Nelson Mandela roluna hazırlaşarkən bir gecəni həbsxana kamerasında keçirib. Elba bu addımı 2013-cü ildə çəkilmiş “Azadlığa uzun yol” filmi üçün atıb.
O, rolun hazırlığı çərçivəsində Keyptaun yaxınlığındakı Robben adasında yerləşən həbsxanada gecələyib. Məhz həmin həbsxanada Nelson Mandela 1964–1982-ci illərdə cəza çəkib. O dövrdə Mandela dövlətə xəyanət və hakimiyyətin zorla devrilməsinə hazırlıqda ittiham olunurdu.
