Müğənni Güllünün evinin pəncərəsindən yıxılaraq ölməsi ilə bağlı istintaq davam edərkən, onun qızı Tuğyan Ülkəm Gültərin həbsxanada çəkilmiş fotosu ortaya çıxıb.
Anasını “planlaşdırılmış şəkildə qəsdən öldürmək” ittihamı ilə 2025-ci ilin dekabrında həbs olunan Gültərin həbsxanadakı ilk görüntüsü mətbuata sızıb.
Fotoda Tuğyan Ülkəm Gültərin həbsxana müddətində xarici görünüşündə nəzərəçarpan dəyişiklik olduğu görünür.
Nə baş vermişdi?
Arabesk musiqisinin tanınmış simalarından olan Güllü Yalovadakı evinin pəncərəsindən yıxılaraq şübhəli şəkildə həyatını itirmişdi.
Sənətçinin ölümü ilə bağlı başladılan istintaq çərçivəsində qızı Tuğyan Ülkəm Gültər saxlanılaraq həbsxanaya göndərilmişdi.
Hadisə ilə bağlı Tuğyanın sevgilisi Kervan da saxlanılmış, daha sonra məhkəmə nəzarəti şərti ilə sərbəst buraxılmışdı.
