Avropa İttifaqının maliyyə dəstəyi, BMT-nin Əhali Fondunun təşkilatçılığı və “Forest School Azerbaijan”ın dəstəyi ilə Beynəlxalq Atalar Günü münasibətilə Bakının Dənizkənarı Bulvar ərazisində “Atalar Günü” tədbiri təşkil edilib.
Den.az xəbər verir ki, tədbirin keçirilməsində əsas məqsəd atalar və övladları arasındakı bağların gücləndirilməsinə töhfə vermək, habelə cəmiyyətdə məsuliyyətli valideynlik təcrübələrini təşviq etməkdən ibarət olub. Tədbir əsnasında iştirakçılar üçün müxtəlif ailə oyunları, həmçinin STEAM, çadır qurma, gipslə əl işləri hazırlama, kətan çanta boyama, “face art” və digər bir-birindən əyləncəli və rəngarəng fəaliyyətlər təşkil olunub. Atalar günü münasibətilə keçirilən tədbirə qatılan ailələr yadda qalan və fərqli bir həftəsonu keçiriblər. Qeyd etmək lazımdır ki, Beynəlxalq Atalar Günü Azərbaycanda artıq 2-ci ildir ki qeyd olunur. Builki tədbir Avropa İttifaqının maliyyə dəstəyi ilə həyata keçirilən “Cənubi Qafqazda gender əsaslı cins seçimi və digər zərərli təcrübələrin aradan qaldırılması” proqramı çərçivəsində BMT-nin Əhali Fondu, Əmək və Əhalinin Sosial Müdafiəsi Nazirliyi, Gənclər və İdman Nazirliyi və Ailə, Qadın və Uşaq Problemləri üzrə Dövlət Komitəsinin birgə təşklilatçılığı və “Forest School Azerbaijan”ın dəstəyi ilə təşkil edilib.
Den.az
Bakıda "Atalar Günü" qeyd edilib - FOTO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
