Biləsuvarda 16 yaşlı yeniyetmə atasını soyuq silahla qətlə yetirdi.
“Den.az” xəbər verir ki, Bəydili kənd sakini 1972-ci il təvəllüdlü Oktay Balaqardaş oğlu Soltanov həyat yoldaşı ilə aralarında yaranan mübahisə zamanı övladları anasının müdafiə məqsədi ilə atası Oktaya yaşadıqları mənzildə bıçaqla müxtəlif bədən nahiyələrindən bir- neçə dəfə xəsarət yetirib. Bıçaq xəsarəti alan ata hadisə yerində ölüb. İlkin araşdırmalara görə hadisəyə ailədaxili münaqişənin səbəb olması bildirilir. Belə ki, mütəmadi içki qəbul edən Oktay Soltanov hər gün evdə söz-söhbətə səbəb olub. Şahidlərin bildirdiyinə görə qətli törətməkdə şübhəli bilinən yeniyetmə evdəki dava-dalaşdan təngə gələrək məlum hadisəni törədib.
Qeyd edək ki, Mərhumun içki aludəçisi olduğu bildririlir. O, günəmuzd fəhlə
işləyərək ailəsini dolandırırmış. Oğlu isə 9-cu sinifdən təhsilini yarımçıq
qoyub. Kənd məktəbindən isə yeniyetmənin oxuduğu müddət ərzində həmişə numünəvi davranışları ilə seçildiyi vurğulanıb. Elə anası da kənd məktəbində müəllimə işləyir.
Fakta bağlı Biləsuvar Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanaraq ibtidai istintaq aparılır.. Qeyd edək ki, cinayəti törədən yeniyetmə 3 bacının bir qardaşıdı.
