Zavodda faciəvi şəkildə ölən Ənvər , Ziyəddin Əliyevin yaxın qohumu imiş-YAS MƏRASİMİNDƏ EKS İCRA HAKİMİYYƏTİ BAŞÇISI DAŞQALAQ EDİLİB-FOTO

Bir neçə gün bundan öncə Quba Rayon İcra Hakimiyyətinin keçmiş başçısı Ziyəddin Əliyevin zavodunda faciə baş verib.

"Den.az" xəbər verir ki, Qubada fəaliyyət göstərən asfalt-beton zavodunda fəhlə işləyən Ənvər adlı şəxs KON asfalt döşəyən avtomobilinin altında qalıb. O, avtomobilin altında qalmaq təhlükəsində olan iti qovmaq istəyərkən faciə baş verib.
Onu təcili olaraq Bakıdakı özəl xəstəxanaların birinə çatdırıblar. Həkimlərin səyinə baxmayaraq, o, dünyasını dəyişib.
Əldə etdiymiz məlumaat görə, hadisə zamanı ölən Ənvər adlı şəxs , Ziyəddin Əliyevin qardaşı Musa Əliyevin qaynıdır. Saray qəsbəsində keçirlən yas mərasimində mübahisə davaya çevrilib. Yasa gələn Ziyəddin Əliyev və qardaşı Şahvələdin ölən şəxsin yaxınları tərəfindən daş qalaq edildiyi iddia olunur.

Böyük səs küyə səbəb olan hadisə yerinə Polis əməkdaşları cəlb edilib.

Qeyd edək ki, keçmiş icra başçısına məxsus olan zavod ötən ilin oktyabrın 28-də istifadəyə verilib.
Z.Əliyev 2017-ci ilin dekabrından Qubanın icra başçısı vəzifəsində çalışıb. Prezident İlham Əliyevin Sərəncamı ilə iyun ayında vəzifəsindən azad edilib.