Güclü külək Yevlaxda fəsadlar törədib.
"Den.az"-ın yerli bürosu xəbər verir ki, rayonun bir neçə küçə və prospektlərində binaların dam örtüyü uçub,avtomobillərə ziyan dəyib, elektrik enerji verlişində fasilələr yaranıb. Yerli sakinlər bildirib ki,axşam saatlarında fırtına şəkilində başlayan külək,yağış daha sonra ildırım çaxması ilə müşahidə edilib. Güclü külək Yevlax şəhəri Qanboy Quliyev küçəsi 7 a ünvanında yerləşən 5 mərtəbəli, 135 nəfər ailənin yaşadığı binanın, Qarxunlu Əşrəfbəy küçəsi 9 ünvanında yerləşən 5 mərtəbəli, 230 nəfər ailənin yaşadığı binanın dam örtüklərini uçurub. Həmçinin Bakı-Qazax yolunun Yevlax şəhəri ərazisindən keçən 288-ci km-də, yolun kənarında yerləşən avtoservis binasının dam örtüyü güclü küləyə tab gətirməyərək magistral yola düşüb. Güclü külək bir neçə sakinin avtomobillərində ziyan vurub. Təbiət hadisəsi zamanı şəhərdə ağaclar qırılaraq elektrik xətlərinin üzərinə aşıb,rayonun elektrik təsərrüfatına ciddi ziyan dəyib. Küləyin yaratdığı fəsadın aradan qaldırılması üçün hadisə baş verən ünvanlara Yevlax Rayon İcra hakimiyyətinin, Fövqaladə Hallar Nazirliyinin müvafiq qurumlarının əməkdaşları cəlb edilib. Qeyd edək ki, Yevlax Rayon İcra hakimiyyətində yaradılan komissiya dəymiş ziyanın hesablanması işini aparır.
Den.az
Yevlaxda fırtına binaların dam örtüyü uçurdu,avtomobillər zərər gördü FOTO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
