Özəl xəstəxanalarda doğum qiymətlərin kəskin baha olması, dövlət xəstəxanalarında isə pulsuz olduğu halda yer yoxdur anlayışı qəbul edilməzdir və buna qarşı ciddi addımlar atılmalıdır.
Bu sözləri Den.az-a açıqlamasında Milli Məclisin Səhiyyə komitəsinin üzvü Müşfiq Məmmədli deyib.
Millət Vəkili bildirib ki, hər bir Publik hüquqi şəxsdə, doğuş və doğuşa yardım xidməti ilə məşğul olan direktor müavinləri vardır. Bu onların bir başa vəzifə borcudur. Bölgədə çevik reaksiyaları da məhz onlar təmin etməlidirlər. Belə ki, bir dövlət müəssisəsində yer yoxdursa, digərinə yönləndirməlidir. Bunun üçün mərkəzləşdirilmiş baza olmalıdır.
Bu bir faktdır ki, İcbari Tibbi Sığorta agentliyi bir birinə inteqrasiya etmiş İnformasiya texnologiyaları strukturu qurub. Bu struktur vasitəsi ilə hansı bölgədə yer vardırsa, həmin boş olan yerlər təmin edilməlidir.
Doğum evində yer yoxdur. Bu çıxış yolu deyildir. Çünki, özəl xəstəxanalarla anlaşma vardır. İcbari Tibbi Sığorta çərçivəsində bütün xidmətləri rahatlıqla göstərə bilir. Misal üçün bu gün hansısa Mərkəzi xəstəxanada boş yer yoxdursa , onu avtomatik şəkildə yaxınlıqda olan özəl xəstəxanaların birinə yönləndirir və ödənişini İcbari tibbi Sığorta vaistəsi ilə təmin edir.
Müşfiq Məmmədli bildirib ki, əgər statiskin rəqəmlər , yəni əhalinin müraciətinin sayı nəzərə alınaraq, yeni şöbələrin açılmasıda müzakirə olunmalıdır. Yeni kadrların cəlb olunması haqda düşünmək lazımdır. Çünki, indi yaradılmış Publik hüquqi şəxslər , əslində xidmət göstərərək öz maliyə vəziyyətlərini yaxşılaşdırırlar.
Hesablama Palatasının Publik hüquqi şəxslərdə apardığı son yoxlamalar deməyə əsas verir ki, onların hamısı datasiya ilə işləyirlər. Əslində öz maliyəsi ilə özlərini təmin edə bilmirlər. Amma bir tərəfdən xəstəxanalarda boş yer yoxdur kimi faktlara rast gəlinir.
Dotasiya ilə işləyən müəssisə öz fəaliyyətinin genişləndirməlidir ki, çox xidmət göstərərək İcbari Tibbi Sığorta Agentliyindən daha çox gəlir əldə edə bilsin. Biz isə bunun tam əksini görürük. Bu isə tamamiylə yalnış yanaşmadır deyə-Müşfiq Məmmədli bildirib.
