“İnsan hüquqları aylığı” çərçivəsində müddətli həqiqi hərbi xidmətə çağırışçılarla növbəti görüş iyunun 9-da Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Sumqayıt şəhər baş idarəsində keçirilib.
Den.az xəbər verir ki, Xidmətin Sumqayıt şəhər baş idarəsinin rəisi general-mayor Natiq Qarayev görüşün çağırışçıların müvafiq qanunvericilik aktları ilə təmin olunan hüquqları barədə maarifləndirilməsi və məlumatlandırılması məqsədilə təşkil edildiyini bildirib. Bu gün Azərbaycanda insan hüquq və azadlıqlarının yüksək səviyyədə təmin olunduğunu, sabahın əsgəri olacaq gənclərimizin bu hüquqlardan hər zaman faydalandığını vurğulayıb.
Tədbirdə məruzə ilə çıxış edən SHXÇDX aparatının idarə rəisi polkovnik-leytenant Füzuli İsmayılov Azərbaycan İnsan Hüquqları üzrə Müvəkkilinin (Ombudsman) təşəbbüsü ilə 18 İyun - İnsan Hüquqları Günü münasibətilə respublikamızda elan olunmuş “İnsan Hüquqları aylığı” çərçivəsində Xidmət tərəfindən keçirilən tədbirlərin çağırışçıların hüquqlarının izah olunması və şəffaflığın təmin edilməsi sahəsində mövcud fəaliyyəti gücləndirdiyini bildirib. O, insan hüquqlarının təmin olunmasının Azərbaycanda dövlət siyasətinin prioritetlərindən olduğunu söyləyib.
SHXÇDX tərəfindən çağırışçıların hüquq və vəzifələri barədə məlumatlandırılması istiqamətində işlər bundan sonra da davam etdiriləcək.
Səfərbərlik Xidməti çağırışçılara hüquq və vəzifələrini izah etdi - Fotolar
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
