Bu gündən Gürcüstanda “Xarici təsirin şəffaflığı haqqında” Qanun qüvvəyə minib.
“Den.az” Gürcüstan mediasına istinadən xəbər verir ki, sözügedən qanun qeyri-hökumət təşkilatlarını və medianı xarici dövlətin maraqlarını qoruyan təşkilatlar kimi Milli Dövlət Reyestri Agentliyində qeydiyyatdan keçirməyə məcbur edir.
Gəlirlərinin 20%-dən çoxu xaricdən gələn bütün təşkilatlar üçün reyestrdə qeydiyyat məcburidir. Qanuna görə, qeydiyyatdan keçmiş ildə əldə edilən hər hansı pulun və əmlakın dəyərinin mənbəyi, məbləği və təyinatı haqqında məlumat daxil edilməlidir.
Parlamentin qəbul etdiyi “Xarici dövlətin maraqlarını qoruyan təşkilatın müəyyən edilməsi haqqında” qanun Ədliyyə Nazirliyinə istənilən vaxt bu məsələ ilə bağlı araşdırma aparmaq və araşdırma-monitorinq etmək səlahiyyəti verir.
“Xarici dövlətin maraqlarını qoruyan” təşkilat kimi qeydiyyatdan yayınma və ya bəyannamənin doldurulmaması 25 min lari məbləğində cərimə ilə nəticələnir.
Qeyri-hökumət sektorunun, medianın və müxalifətin tənqidlərinə baxmayaraq, mübahisəli qanun Gürcüstan parlamentinin əksəriyyəti tərəfindən qəbul edilib.
Əksər hüquqşünasların fikrincə, qanun Rusiya qanunvericiliyindən kopyalanıb..jpg)
“Gürcü arzusu” qanunu ləğv etməkdən imtina etdiyinə görə Aİ və ABŞ artıq Gürcüstanla münasibətlərə qismən yenidən baxıb: ölkəyə çoxmilyonluq yardım paketləri dayandırılıb, hərbi təlimlər ləğv edilib, müəyyən sanksiyalar tətbiq edilib.
Gürcüstan hökuməti isə qanunun məqsədinin ölkədə QHT-lərin qeyri-şəffaf maliyyələşməsinin qarşısını almaq məqsədi daşıdığını bəyan edir.
Xatırladaq ki, bu ilin mayın 14-də Gürcüstan parlamenti “Xarici təsirin şəffaflığı haqqında” Qanunu üçüncü oxunuşda qəbul edib.
Qanun layihəsinin parlamentdə müzakirəyə çıxarılması ölkədə kütləvi etiraz aksiyalarına və etirazçılarla polis arasında qarşıdurmalara səbəb olub.
Gürcüstan Prezidenti Salome Zurabişvili bu qanuna veto qoyub. Mayın 28-də isə Gürcüstan parlamenti Zurabişvilinin qanuna veto qoymasını səs çoxluğu ilə ləğv edib.
Gürcüstan parlamentinin spikeri Şalva Papuaşvili isə iyunun 3-ü qanunu ölkə Prezidentinin əvəzinə özü imzalayıb.
Gürcüstanda qalmaqallı qanun bu gündən qüvvəyə mindi
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
