"Mənim administrasiyam 70-dən çox belə amerikalını vətənə gətirib" - Bayden

“Bu gün Rusiyada haqsız yerə həbs edilən üç Amerika vətəndaşı və bir yaşıl kart sahibi nəhayət vətənə qayıdır. Onların azadlığını təmin edən razılaşma diplomatik bir irəliləyiş idi”.

Den.az xəbər verir ki, bunu ABŞ prezidenti Co Bayden deyib.

O bildirib ki, ümumilikdə Rusiyadan 16 nəfərin, o cümlədən öz ölkəsində siyasi məhbus olan 5 Almaniya və 7 Rusiya vətəndaşının azad edilməsi razılaşdırılıb. Bu qadın və kişilərin bəziləri illərdir haqsız yerə həbs olunublar.

“Onların hamısı ağlasığmaz əzablara və qeyri-müəyyənliyə dözüblər. Bu gün onların əzabları bitdi. Bu nəticəyə nail olmaq üçün çətin və mürəkkəb danışıqlarda bizə dəstək olan müttəfiqlərimizə, o cümlədən Almaniya, Polşa, Sloveniya, Norveç və Türkiyəyə minnətdaram. Etibar edə biləcəyiniz dostlara sahiblənməyin niyə bu qədər vacib olduğunu bir daha anlayırıq. Haqsız yerə tutulan və ya girov saxlanılan hər bir amerikalı öz ailəsinə qovuşana qədər işi dayandırmayacağam. Mənim administrasiyam 70-dən çox belə amerikalını vətənə gətirib, onların çoxu mən vəzifəyə başlamazdan əvvəl əsirlikdə idi. Bu gün biz Paul, Evan, Alsou və Vladimirin qayıdışını qeyd edir və ailələri ilə birlikdə sevinirik. Biz dünyada hələ də qanunsuz olaraq girov saxlanılan hər kəsi xatırlayırıq”, – deyə Bayden vurğulayıb.

Günəş Fərəh
Den.az