Rusiya hakimiyyəti ölkəni tərk etmiş vətəndaşları təqib etmək üçün təhlükəsizlik qüvvələrinin səlahiyyətlərini genişləndirməyə hazırlaşır.
Den.az xəbər verir ki, bununla bağlı Dövlət Dumasına Baş Prokurorluğa cinayət təqibinə məruz qalan rusların axtarışı üçün xarici dövlətlərin hüquq-mühafizə orqanlarından kömək istəmək hüququ verən qanun layihəsi təqdim edilib.
Müxtəlif hesablamalara görə, ölkəni tərk etmiş insanların sayı 600 mindən 1 milyon nəfərə qədərdir.
Baş Prokuror Vasili Piskarev bildirib ki, yalnız xarici vətəndaşları deyil, həmçinin cinayət törədən və ölkəni tərk edərək cəzadan yayınmağa çalışan Rusiya vətəndaşlarını da məsuliyyətə cəlb etmək üçün materialları xarici ölkələrə göndərə biləcək.
Onun sözlərinə görə, Rusiya Federasiyasının Cinayət-Prosessual Məcəlləsinin 458-ci maddəsinə müvafiq dəyişikliklərin edilməsi planlaşdırılır.
“Ədalətdən qaçıb xaricdə gizlənənlər harada olmalarından asılı olmayaraq cinayətlərinə görə cavab verməlidirlər”, – deyə Piskarev vurğulayıb.
Sənədə əsasən, dövlət ekstremist təşkilatlarda iştirak etmək, habelə dost olmayan dövlətlərin xarici mərkəzlərində təlim keçmək üçün Rusiyanı tərk etmiş şəxslər haqqında məlumat bankının yaradılması təklif olunur. Strategiya layihəsində deyilir ki, Rusiyaya qarşı xarici ekstremist təhdidlər artır və xaricdən fəaliyyət göstərən ekstremistlər “ictimai-siyasi sabitliyi pozmağa” və “rəngli inqilaba” can atırlar.
Günəş Fərəh
Den.az
Rusiya ölkəni tərk etmiş vətəndaşlarını təqib edəcək

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.