“2024-cü ildə 4978 təyyarə qəzası baş verib” - KİV

“2024-cü ildə 4978 təyyarə qəzası baş verib”.

Den.az xəbər verir ki, bu barədə Aviasiya Təhlükəsizliyi Şəbəkəsi məlumat yayıb.

Məlumata görə, bu qəzalarda 1555 insan həyatını itirib.

Belə ki, 2024-cü ilin ilk təyyarə qəzası yanvarın 2-də qeydə alınıb. Tokionun Haneda hava limanında Yaponiya Hava Yollarına (JAL) məxsus sərnişin təyyarəsi Sahil Mühafizəsinin təyyarəsi ilə toqquşub.

Üç gün sonra, yəni yanvar ayının 5-də isə “Boeing 737 max 9” təyyarəsi qəza edib. Belə ki, sol mərkəz çıxış qapısı təyyarədən qopub.
Bundan sonra dünyanın bir sıra ölkələrində təyyarə qəzaları baş verib. Bəzi hadisələrdə sadəcə maddi itkilər yaşansa da, bir çox hadisələr insan tələfatı ilə nəticələnib.

İlin son günlərində isə Azərbaycan Hava Yollarına (AZAL) məxsus Embrarer təyyarəsi Aktauda qəzaya uğrayıb. Hadisə nəticəsində təyyarədə olan 67 sərnişindən 38-i dünyasını dəyişib.

Dörd gün sonra isə Cənubi Koreyada qəza enişi edən təyyarə hava limanındakı divara çırpılıb. Nəticədə 179 nəfər həyatını itirib, yalnız iki nəfər sağ qalmağı bacarıb.

Günəş Fərəh
Den.az