Macarıstanın baş naziri Viktor Orban Avropa İttifaqı (Aİ) liderlərinin Londonda keçirdikləri qeyri-rəsmi toplantıda Ukraynaya hərbi yardımın davam etdirilməsi ilə bağlı qəbul etdikləri qərarın yanlış və təhlükəli olduğunu bildirib.
Den.az xəbər verir ki, dünən İngiltərənin paytaxtı Londonda Aİ liderlərinin qeyri-rəsmi sammiti keçirilib.
Ukraynadakı vəziyyət və kollektiv təhlükəsizlik məsələlərinin müzakirə olunduğu sammitdə Kiyevə hərbi yardımın davam etdirilməsi barədə qərar qəbul edilib.
Macarıstanın baş naziri sosial media hesabında Londonda qəbul edilən qərarla bağlı bu cür dəyərləndirmə edib:
“Londonda Avropa liderləri qərara gəldilər ki, sülh deyil, müharibə lazımdır. Qərar qəbul etdilər ki, Ukrayna müharibəni davam etdirməlidir. Bu, səhv və təhlükəlidir. Macarıstan isə sülh tərəfdarıdır”.
Bundan əvvəl Çexiyanın baş naziri Petr Fiala sammitdə iştirak edən ölkələrin öz müdafiəsinə daha çox sərmayə qoymağa və Ukraynaya hərbi dəstəyi artırmağa razılaşdıqlarını açıqlamışdı. Londonda keçirilən qeyri-rəsmi sammitdən sonra Avropa Komissiyasının sədri Ursula fon der Leyen Avropanı təcili yenidən silahlanmağa çağırıb.
Günəş Fərəh
Den.az
“Londonda Avropa liderləri qərara gəldilər ki, sülh deyil, müharibə lazımdır" - Orban
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
