“Bu ölkələr Ukraynaya “ABŞ yoxdursa, biz varıq” deyə bilməzdilər" - Berktay

Avropalı siyasətçilər Rusiya ilə təkbaşına qarşı-qarşıya gəlmək istəmədikləri üçün Ukrayna prezidenti Vladimir Zelenskiyə ABŞ lideri Donald Trampla sülh bağlamaq lazım olduğuna dair ismarıc göndəriblər.

Den.az xəbər verir ki, bu barədə "Cümhuriyyət" qəzetində məqalə dərc olunub.

Məqalənin müəllifi Dəniz Berktay qeyd edib ki, martın 2-də Londonda bir sıra Avropa ölkələrinin liderlərinin qeyri-rəsmi sammiti keçirilib. Tədbir iştirakçıları Moskva ilə Kiyev arasındakı münaqişəni, eləcə də regionda təhlükəsizlik sistemini müzakirə ediblər. Eyni zamanda, görüşdən sonra Böyük Britaniyanın baş naziri Kir Starmer bəyan edib ki, Ukrayna üçün mümkün təhlükəsizlik təminatları ABŞ tərəfindən dəstəklənməlidir.
Berktayın fikrincə, bu, onu göstərir ki, Avropa dövlətləri Vaşinqtonun dəstəyi olmadan Moskvaya meydan oxumaqdan qorxurlar.

“Bu ölkələr Ukraynaya “ABŞ yoxdursa, biz varıq” deyə bilməzdilər. Bunun əvəzinə onlar Zelenskini Trampla barışmağa çağırdılar ”, - deyə Berktay vurğulayıb.

O əlavə edib ki, bu fonda Ukrayna lideri ABŞ-la münasibətlərin normallaşdırılması ilə bağlı “mesajlar göndərməyə” başlayıb. Xüsusilə o, mineral ehtiyatların birgə işlənməsinə dair sövdələşməni mümkün qədər tez bağlamağa hazır olduğunu bildirib.

Günəş Fərəh
Den.az