Rusiya, Ukrayna və ABŞ arasında Əbu-Dabidə keçirilən növbəti üçtərəfli danışıqlar konstruktiv keçib.
Bu barədə ABŞ prezidentinin xüsusi nümayəndəsi Stiv Uitkoff məlumat verib.
Onun sözlərinə görə, görüşlər zamanı mümkün atəşkəs qərarı qəbul edilərsə, onun necə icra olunacağı və əməl olunmasına nəzarət mexanizmləri müzakirə edilib.
Danışıqlar konstruktiv oldu, əsas mövzu uzunmüddətli sülh üçün şəraitin yaradılması yolları idi, — deyə Stiv Uitkoff sosial şəbəkədə yazıb.
Tərəflər, xüsusilə, atəşkəsin tətbiqi halında icra mexanizmlərini və döyüş əməliyyatlarının dayandırılmasına nəzarət üsullarını müzakirə ediblər.
İki gün ərzində nümayəndə heyətləri bir sıra həllini tapmamış məsələlər üzrə müzakirələr apardılar, o cümlədən atəşkəsin tətbiqi və onun icrasına nəzarət mexanizmləri barədə, — deyə Uitkoff qeyd edib.
Onun sözlərinə görə, üçtərəfli danışıqların iştirakçıları yaxın həftələrdə təmasları davam etdirmək barədə razılığa gəliblər.
