ABŞ Prezidenti Donald Trampın son qərarları onun Avropanı “cəzalandırmaq” istədiyini göstərir. Bu barədə Politico məlumat yayıb.
Nəşrin yazdığına görə, Tramp hazırda Avropa ilə əməkdaşlıqdan çox, onlara təzyiq göstərməyə və hətta cəzalandırmağa meyllidir.
“Tramp hazırda Avropa dövlətlərini tənqid etmək və mümkün qədər cəzalandırmaqda daha maraqlıdır, nəinki onlarla əməkdaşlıq etməkdə.”
Politico qeyd edir ki, ABŞ liderinin son davranışı Avropa ölkələrinə Vaşinqtondan daha müstəqil olmağın zəruriliyini daha aydın göstərib, lakin bu proses hələ də yavaş gedir.
Avropalı liderlər etiraf edir ki, ABŞ-dan asılılığın azaldılması düşündüklərindən daha çətindir.
Məlumata görə, bəzi Avropa ölkələri artıq yeni reallıqlara uyğunlaşmağa başlayıb. Onlar hesab edir ki, ən çətin mərhələ artıq yaşanıb.
Bu çərçivədə Avropada Avropa Müdafiə İttifaqının yaradılması ideyası müzakirə olunur.
Eyni zamanda, Avropa liderləri Trampın diqqətini Ukrayna münaqişəsinin həllinə yönəltmək üçün yüksək rüsumları qəbul edib və müdafiə xərclərini artırmağa razılaşıb.
