ABŞ müdafiə naziri Pit Heqset Pentaqonun mətbuat katibi Şon Parnellin ordu naziri vəzifəsinə namizədliyini nəzərdən keçirir.
Bu barədə The Hill məlumatlı mənbələrə istinadən yazıb.
Mənbələrin sözlərinə görə, Parnell yaxın aylarda vəzifəsini tərk etməyi planlaşdıran Dan Driskollun yerinə nəzərdə tutulan qısa namizədlər siyahısına daxil edilib.
Pentaqondan nəşrə bildirilib ki, Parnell administrasiya daxilində geniş dəstəyə malikdir və qurumda hesabatlılıq, dəyişiklik və idarəetmə islahatlarını təşviq edir.
Məlumatda onun döyüş və idarəçilik təcrübəsinin ABŞ ordusunda ehtiyac duyulan “transformativ liderlik” üçün uyğun hesab edildiyi vurğulanır.
The Hill daha əvvəl də yazmışdı ki, Heqsetin baş müşavirlərindən biri olan Parnell ordu naziri postuna maraq göstərdiyini şəxsi söhbətlərdə ifadə edib.
