Avropa İttifaqı (Aİ) Şurasının rəhbəri Şarl Mişel Avropa Komissiyasının (AK) prezidenti Ursula fon der Leyenin xarici siyasət təşəbbüslərini tənqid edib və onu səlahiyyətlərini aşmaqda ittiham edib.
Den.az xəbər verir ki, bu barədə "Spiegel" nəşri yazıb.
Mişel nümunə olaraq Tunislə miqrasiya sazişini göstərib. Onun sözlərinə görə, AK rəhbəri tərəfindən imzalanıb, lakin Aİ Şurası “kənara qaldı”. Avropa Komissiyasının sözçüsü Arianna Podesta Mişelin bəyanatını “qismən yalan” adlandırıb.
Avropa İttifaqı Şurası rəhbərinin fon der Leyenin səlahiyyətlərindən sui-istifadə etməsinə misal kimi göstərdiyi AK və Tunis arasında miqrasiya sazişi bu ilin iyulunda bağlanıb. Mişelin sözlərinə görə, Avropa Komissiyasının sədri onu Niderland və İtaliyanın baş nazirləri Mark Rutte və Corciya Meloni ilə birlikdə imzalayıb, ancaq Aİ Şurası kənarda qalıb.
Avropa Komissiyasının sözçüsü qeyd edib ki, AK iyunun əvvəlindən Tunislə saziş üzrə danışıqlar aparır və mühüm məqamlar və danışıqların gedişi barədə üzv ölkələrin səfirlərini dəfələrlə məlumatlandırıb. “Komissiya 2023-cü ilin iyul ayındakı yekunları da daxil olmaqla, Avropa Şurasının tam siyasi dəstəyinə malikdir və qeyri-qanuni miqrasiya ilə mübarizədə praktiki və effektiv irəliləyiş əldə edir”, - Podesta vurğulayıb.
Avropa İttifaqının liderləri arasında GƏRGİNLİK
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
