Əfqanıstanda yenidən ard-arda zəlzələlər oldu

Əfqanıstanda ardıcıl olaraq 6,3 və 5,4 bal gücündə zəlzələlər baş verib.

“Den.az” xəbər verir ki, bu barədə ABŞ Geoloji Xidməti məlumat yayıb.

Xidmət zəlzələnin episentrinin Heratın şimal-qərbində olduğunu açıqlayıb. Zəlzələ yerin təxminən 6,3 kilometr dərinliyində qeydə alınıb.

Zəlzələdən təxminən 20 dəqiqə sonra Heratın 27 kilometr şimalında 5,4 bal gücündə daha bir zəlzələ olub.

Qeyd edək ki, oktyabrın 7-də Əfqanıstanın qərbində, İranla sərhəddə yerləşən Herat vilayətində ardıcıl güclü zəlzələlər baş verib. Birincisi 6,3 bal gücündə olan zəlzələ qısa müddətdə 5,5, 6,3 və 5,9 bal gücündə zəlzələlərə səbəb olub.

Oktyabrın 11-də Herat vilayətində yenidən 6,3 və 5 bal gücündə zəlzələlər qeydə alınıb.

Taliban müvəqqəti hökuməti indiyədək zəlzələlərdə təxminən 2500 nəfərin öldüyünü, minlərlə insanın isə yaralandığını açıqlamışdı.