Məktəbəqədər təhsil müəssisələrində çalışan tərbiyəçi-müəllimlər üçün cari ildə sertifikatlaşdırma prosesi keçirilməyəcək.
Den.az xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov martın 6-da keçirilən brifinqdə deyib.
O bildirib ki, tərbiyəçi-müəllimlər üçün cari ildə yalnız diaqnostik qiymətləndirmə keçiriləcək: “Bu, bütün ölkədə elektron qaydada tətbiq olunacaq. 60 sualdan ibarət olan tapşırıqlar nəzəri, psixoloji suallardan ibarət olacaq. Diaqnostikaya 1 ay qalmış tərbiyəçi-müəllimlərə bu barədə məlumat veriləcək”.
Eşqi Bağırov diqqətə çatdırıb ki, 2025-2026-cı illərdə bağçalarda çalışan 17 minə yaxın tərbiyəçi-müəllimlərin sertifikatlaşdırma prosesi keçiriləcək.
Şahnaz Əliyeva
Den.az
