Azərbaycanda ümumi təhsil müəssisələrində beşgünlük payız tətili başa çatıb. Bu gündən altıgünlük tədris həftəsi ilə fəaliyyət göstərən məktəblərdə dərslər bərpa olunub.
Denmedia.az xəbər verir ki, 2026–2027-ci tədris ili üzrə noyabrın 16-da başlayan payız tətili noyabrın 20-də başa çatıb.
Beş gün davam edən tətil məktəbəhazırlıq qruplarına da şamil edilib.
Dərslərin bərpa olunma tarixi məktəblərin iş rejimindən asılı olaraq dəyişir. Belə ki, altıgünlük tədris həftəsi ilə işləyən məktəblərdə ilk dərs günü bu günə – noyabrın 21-nə təsadüf edir.
Beşgünlük tədris həftəsi ilə fəaliyyət göstərən məktəblərdə isə dərslər noyabrın 23-də, bazar ertəsi başlayacaq.
Qeyd edək ki, payız tətilinin müddəti və dərslərin bərpa olunma tarixləri Nazirlər Kabinetinin 24 fevral 2020-ci il tarixli 66 nömrəli qərarına əsasən müəyyənləşdirilib.

