"Rusiya və ABŞ-da seçkilər Ukraynada və bütövlükdə dünyada vəziyyətə köklü şəkildə təsir edəcək. Donald Tramp seçkilərdə uğur qazanarsa, Kiyevin və ya AB-nin rəyindən asılı olmayaraq, sülh danışıqları aparılacaq”. Bunu Çexiya Prezidenti Pyotr Pavel deyib. Onun fikirləri maraqla qarşılanıb və müzakirələrə yol açıb.Bəs görəsən, ABŞ-da Tramp prezident seçilsə, bu, Rusiya-Ukrayna müharibəsinə necə təsir göstərəcək
Mövzunu "Den.az"a şərh edən politoloq Əhəd Məmmədli bildirib ki, Tramp prezident seçiləcəyi təqdirdə atəşkəs əldə ediləcəyini hələ bir müddət öncədən bəyan edib: "Onsuz da Ukraynanın vəziyyəti çətindir. Əgər Tramp prezident seçilsə, o zaman vəziyyət daha da acınacaqlı olacaq. Ümumiyyətlə, cəbhə xəttindəki uğursuzluq və əks-hücum əməliyyatlarının istənilən nəticəni verməməsi Ukraynanı çətin duruma salıb. Eyni zamanda Qərb tərəfindən əvvəlki dəstək sərgilənmir. ABŞ-ın diqqəti isə İsrail-Fələstin müharibəsinə yönəlib. Həmçinin 2024 seçkilər ilidir. Belə ki, Rusiya və ABŞ seçkilərə gedəcək. Tayvanda seçkilərin keçirilməsi isə Çinin və ABŞ-ın diqqətini ora yönəldəcək. Çünki Tayvan növbəti qarşıdurma ocağına çevrilə bilər. Ona görə də, vaxt Ukraynanın əleyhinə işləyir. Belə olan halda isə atəşkəsin əldə olunması ən doğru qərara çevrilə bilər".
Günəş Fərəh
Den.az
Tramp qalib gəlsə Kiyevi nələr gözləyə bilər? - ŞOK TƏFƏRRÜAT
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
