ABŞ Prezidenti Tramp Ukrayna və Avropanın başı üzərindən Rusiya lideri Putinlə hansısa razılaşma əldə etsə belə, bu razılaşma işləməyəcək.
Bu sözləri Den.az-a açıqlamasında politoloq Elxan Şahinoğlu Tramp-Putin danışıqları və Ukraynada sülh əldə edilməsi gözləntiləri haqda danışarkən deyib.
Politoloq bildirib ki, atəşkəs olsa belə, Rusiyanın Ukraynaya qarşı hücuma keçməyəcəyi ilə bağlı təminat yoxdur:
“Çünki Rusiya saziş və hüquqi sənədlərlə onsuz da hesablaşmır. Əgər hesablaşsaydı, 1994-cü ildə Budapeştdə imzaladığı sazişə riayət edib, Krımı ilhaq etməzdi.
Tramp razılaşdırdığı sülhü Kiyevin qəbul etməyəcəyi halda Ukraynadan dəstəyini çəkə bilər. Bu zaman həm dəstək, həm də hərbi texnika və maliyyə ilə təminetmə baxımından məsuliyyət Avropanın üzərinə düşəcək.
Ona görə hesab edirəm ki, Ukrayna ilə bağlı razılaşma əldə olunmayacaq. Atəşkəslə bağlı müvəqqəti sənəd imzalana bilər, amma münaqişənin həlli mümkün deyil. Çünki Rusiya ərazilərin işğalından vaz keçmir. Ukrayna isə ərazilərini geri istəyir”.
Günəş Fərəh
Den.az
"Tramp razılaşdırdığı sülhü Kiyevin qəbul etməyəcəyi halda Ukraynadan dəstəyini çəkə bilər" - DETALLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
