"ABŞ-ın lazımi liderlik göstərməməsi fonunda Avropa ölkələrinin Ukrayna məsələsində aktivliyinin tədricən artması müşahidə olunur. İsveçin açıqladığı 1,3 milyard dollarlıq hərbi yardım paketində "ASC 890" təyyarəsi diqqəti cəlb edir. İsveçin öz istehsalı olan bu təyyarələr radiolokasion kəşfiyyat və döyüş idarəetməsi üçün nəzərdə tutulub. 450 km-ə qədər radiusda hava və dənizdəki obyektləri aşkarlamağa imkan verən ASC 890 təyyarəsi F-16-lar ilə qarşılıqlı əlaqədə fəaliyyət göstərəcək".
Bu fikirləri "Den.az"a açıqlamasında politoloq Şahin Cəfərli səsləndirib.
"Belçika isə Ukraynaya 30 ədəd F-16 verəcəyini açıqlayıb. Bununla Ukrayna Hava Qüvvələrinin ixtiyarında olan F-16-ların sayı 85-ə çatacaq. Gələn həftə prezident Zelenskinin Fransaya səfəri zamanı prezident Makron tərəfindən Ukraynaya hərbi kontingent (təlimatçı qismində) göndərilməsi barədə qərarın elan olunacağ gözlənilir. Makron Ukraynanın Qərb silahları ilə Rusiya ərazisindəki atəş nöqtələrinə zərbə endirməsinə icazə verilməsinə tərəfdar olduğunu da bildirib. Bayden administrasiyası isə milli təhlükəsizlik müşaviri Sallivanın müəyyənləşdirdiyi “eskalasiyanı yüksəltməmək” strategiyasına davam edərək hadisələrin arxasınca sürünür. Rusiyanın işğalçı hücumlarının və hərbi cinayətlərinin artaraq davam etdiyi bir məqamda mövcud ABŞ hökumətinin hələ də bu strategiyasına sadiq qalması anormal və gülüncdür. Haqlı və məzlum Ukraynaya lazımi səviyyədə yardım etməzkən hərbi cinayətlər törədən İsrailə dəstəyin davam etməsi də başqa bir mənəviyyatsızlıq örnəyidir".
Günəş Fərəh
Den.az
"ABŞ hökumətinin bu addımı anormal və gülüncdür" - ŞƏRH
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
