“Kazanda keçirilən BRİKS-in XVI sammiti qeyri-adi hadisədir. Kazanda qlobal problemlərlə yanaşı, regional təhlükəsizlik məsələləri də müzakirə olundu. Tatarıstanın paytaxtında Azərbaycan Prezidenti İlham Əliyevlə Ermənistanın baş naziri Nikol Paşinyan arasında görüş baş tutdu. Bir neçə amili nəzərə alsaq, bu, olduqca hadisə əhəmiyyətlidir”.
Den.az xəbər verir ki, bunu rusiyalı politoloq Sergey Markedonov deyib.
“Son bir il ərzində rəsmi İrəvanın nümayəndələri Rusiyanın sülh yolu ilə nizamlana platformasından ehtiyatla yayınaraq, ABŞ, Fransa və bütövlükdə Avropa İttifaqının “zəmanətlərinə” sığınırlar. Belə ki, oktyabrın 22-də Paşinyan ABŞ prezidentinin xüsusi köməkçisi, Milli Təhlükəsizlik Şurasının Avropa məsələləri üzrə direktoru Maykl Karpenter və Qafqaz danışıqları üzrə baş müşaviri Lui Bono ilə görüşüb. Onların söhbətinin əsas mövzusu sülh sazişinin hazırlanması perspektivləri olub. Əliyevlə Paşinyanın yolları MDB sammitində kəsişsə də, orada heç bir mənalı danışıqlar aparılmayıb. İkincisi, ilin əvvəlində tezliklə sülh müqaviləsinin imzalanması ilə bağlı çoxlu proqnozlar verilirdi. Hər bir halda İrəvanla Moskvanın münasibətlərindəki çətinliklərə baxmayaraq, Rusiyanın bu məsələdə əhəmiyyətini qiymətləndirməmək olmaz. Ermənistan tərəfi Qərblə dialoqda nə qədər irəliləsə də, Kazan görüşü sıçrayış ola bilər. Artıq bununla bağlı xeyli ümidlər yaranıb. Nəticə çıxarmağa tələsmək lazım deyil. Lakin Rusiyanın regionda davamlı maraqlarını da qeyd etmək lazımdır. Üstəlik, bu effekt Tatarıstanın paytaxtında keçirilən BRİKS forumunun miqyası ilə daha da artdı”, – deyə Markedonov vurğulayıb.
Günəş Fərəh
Den.az
Əliyev və Paşinyanın Kazan görüşü ilə bağlı mühüm detallar - Markedonovun şərhi
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
