Türkiyəli Blogerin İrəvanda Çəkdiyi Videolarla Bağlı Cinayət İşi Başladılıb.
Ermənistanda türkiyəli bloger Ogün Özdəmirin İrəvanda lentə aldığı videoların yayılmasından sonra cinayət işi açılıb.
Den.az xəbər verir ki, bu barədə Ermənistan Milli Təhlükəsizlik Xidmətinin rəhbəri Armen Abazyan məlumat verib.
Bir neçə gün əvvəl Ogün Özdəmir, İrəvandakı Respublika meydanından canlı yayım edərək Azərbaycan xalqını Novruz bayramı münasibətilə təbrik etmiş və özünü Azərbaycan torpağında olduğunu ifadə etmişdir.
Bu hadisə Ermənistanda böyük əks-səda doğurmuş və ölkənin milli təhlükəsizlik orqanları tərəfindən ciddi şəkildə araşdırılmağa başlanmışdır. Blogerin fəaliyyəti Ermənistan qanunlarına zidd olaraq qiymətləndirilmiş və bu səbəbdən ona qarşı hüquqi tədbirlər görülməsi qərara alınmışdır. Məsələ ilə bağlı araşdırmalar davam edir.
