İspaniyanın Şimali Afrikadakı Seuta anklavında Mərakeşdən kütləvi miqrant axınından sonra 200 nəfərlik müvəqqəti morq yaradılıb.
“El País” qəzetinin məlumatına görə, morq Seutadakı keçmiş hərbi hospitalın binasında təşkil olunub və hazırda sərhədi keçməyə çalışarkən həyatını itirən şəxslərin cəsədlərini qəbul edir.
Son məlumatlara əsasən, sərhədi keçmək cəhdləri zamanı ölən miqrantların sayı 90 nəfərə çatıb.
Bildirilir ki, cəmi bir sutka ərzində Mərakeşdən Seutaya təxminən 50 min miqrant daxil olub. Onların böyük hissəsini gənc kişilər və yetkinlik yaşına çatmayanlar təşkil edir.
Yerli medianın yazdığına görə, insanların kütləvi şəkildə sərhədi keçməsinə dair çağırışlar mesajlaşma proqramları vasitəsilə yayılıb.
