Kəlbəcərdə yük maşını aşdı, sürücü öldü

Kəlbəcərdə yük avtomobili aşıb.

Den.az xəbər verir ki, hadisə martın 2-də Qamışlı kəndi ərazisində qeydə alınıb. Sürücü işləyən 44 yaşlı Heydərov Yasin Muxtar oğlunun idarə etdiyi "MAN" markalı  avtomobil oldan çıxaraq aşıb. Nəticədə sürücü müxtəlif dərəcəli bədən xəsarətləri alaraq xəstəxanaya yerləşdirilib.

Görülən tədbirlərə baxmayaraq, o, martın 5-də müalicə aldığı Gəncə şəhər Mərkəzi xəstəxanasında ölüb.

Faktla bağlı cinayət işi açılıb.