Nizami rayonunda piyadanın ölümü ilə nəticələnən qəzaya görə cinayət məsuliyyətinə cəlb edilən sürücü hakim qarşısına çıxarılıb. Qəzada dünyasını dəyişən şəxs müəllim imiş.
Den.az xəbər verir ki, hadisə “Planet” şadlıq evinin qarşısında baş verib.
Pərviz Rzayev idarə etdiyi “Toyota Prius” markalı avtomobillə yolu keçən piyada İbrahimov Faiq Oruc oğlunu vurub. Piyada aldığı xəsarətlərdən xəstəxanada dünyasını dəyişib.
Pərviz Rzayev hadisə baş verən vaxt anasına dərman almağa gedirmiş. O, anasını xəstəxanaya yerləşdirdikdən sonra dərman almaq üçün aptekə gedib. Aptekdən qayıdan zaman qəza baş verib.
Həyatını itirən Faiq İbrahimov Bakıxanov qəsəbəsində yerləşən 271 nömrəli orta məktəbdə biologiya müəllimi işləyirmiş.
Mərhumun ailəsi ilə Pərviz Rzayev arasında barışıq olub. P.Rzayev yas xərclərini qarşılayıb, Faiq İbrahimovun ailəsinə üzrxahlıq edib.
Məhkəmə qarşısına çıxarılan Pərviz Rzayevə 3 il 9 ay müddətinə azadlıqdan məhrumetmə cəzası təyin edilib. Rzayev cəzasını məntəqə tipli cəzaçəkmə müəssisəsində çəkəcək.
Müəllimin öldüyü qəzaya görə hökm oxundu - Sürücüyə bu cəza verildi
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
