Türkiyədə silahlı insident olub, xəsarət alanlar var - FOTO

Türkiyənin Adana şəhərində silahlı insident olub.

Bu barədə “Den.az” “Haber Global”a istinadən xəbər verir.

Məlumata görə, naməlum motosikletçilər parkda əyləşən bir neçə nəfərə silahlı hücum təşkil ediblər. Hadisə zamanı 4 nəfər güllə yarası alıb.

Əraziyə hüquq-mühafizə orqanlarının əməkdaşları və təcili yardım cəlb edilib. Yaralılar xəstəxanalara çatdırılıb. Onlardan 2-sinin vəziyyətinin ağır olduğu bildirilir.

Polis hadisəni törədən şübhəlilərin axtarışına başlayıb.